Stablecoin & Bangiyada Yar Yar Isbahaysi Cusub leh

Mudadii ugu dambeeyay waxaa si weyn isku beddelay muuqaalka dhaqaale ee caalamka, taasoo saamayn weyn ku yeelan karta lacagaha dhijitaalka ah. Stablecoin yada, oo horey gacanta ugu jiray shirkado waaweyn oo Fintech ah iyo goobaha waaweyn ee crypto ka, ayaa hadda albaabada u furaya bangiyada yaryar si ay uga qayb qaataan dhaqaalaha lacagaha dhijitaalka.

 

Waa Maxay Stablecoin?

 

Stablecoin waa nooc ka mid ah lacagaha crypto ka oo qiimahooda lagu xidho lacagaha adag sida dollarka Mareykanka, euro ka, ama dahabka. Kan duwan Bitcoin ama Ethereum oo qiimahooda si xad dhaaf ah kor iyo hoos ugu kaco, stablecoin yadu waxay bixiyaan qiime deggan oo la saadaalin karo, taasoo ka dhigaysa kuwo ku habboon lacag kala wareejinta, xawilaadaha, iyo kaydinta qiimaha.

Markii hore stablecoin yada sida Tether (USDT), USD Coin (USDC), iyo DAI waxaa gacanta ku hayay shirkado gaar loo leeyahay ama hay’ado decentralised ah. Laakiin hadda arrimuhu way is beddelayaan iyadoo sharci dejintu ay sameeyeen xeerar cad oo suurtagelinaya in bangiyada yaryar ee la nidaamiyo ay ka qayb qaataan.

 

Maxay Bangiyada Yaryar U Xiiseynayaan?

 

Sanado badan bangiyada yaryar waxay la kulmayeen tartan xoog leh oo uga imaanayay fintech yada iyo bangiyada waaweyn. La wareegida adeegyada stablecoin ka waxa ay siisaa bangiyada yaryar faa'iidooyin dhowr ah

1. Dakhliga Cusub: Iyagoo bixinaya adeegyo stablecoin ah ama ilaalinta lacagahaas, bangiyada yaryar waxay heli karaan ilo dhaqaale oo ween ah cusub.
2. Xajinta Macaamiisha: Waxay soo jiidan karaan dhalinyarada iyo macaamiisha casriga ah ee raadinaya adeegyo crypto ah.
3. Horumarinta Teknoolajiyadda: Waxay casriyeeyn karaan nidaamkooda si ay ula jaanqaadaan isbeddellada dhaqaalaha.

 

Bangiyada Ugu Horeeyay ee Talaabada Qaaday

 

Bangiyo dhowr ah oo yaryar ayaa durba talaabooyin muuqda qaaday sida

• Signature Bank (USA): Ka hor intaan la xirin 2023, wuxuu ahaa bangigii ugu horreeyay ee goboleed ee bixiya adeegyada lacag kala wareejinta waqtiga dhabta ah isagoo adeegsanaya madal dijitaal ah oo ku saleysan stablecoin.
• Pathward Bank (USA): Waxaa horey loogu yaqaanay MetaBank, wuxuu hadda la shaqeynayaa fintech yada si ay u sahamiyaan xaaladdah stablecoin ee ganacsiyada B2B.
• Sygnum Bank ka (Switzerland): In kasta oo uu yahay bangi crypto native ah, Sygnum waxa uu noqday tusaale ku dayasho mudan oo muujinaya sida bangiyo waaween ay si sharciyeysan ugu geli karaan stablecoin ka.

 

Sharciyadda cusub oo Albaabka uu Furtaye

 

Caado ahaan mid ka mid ah caqabadaha ugu waa weyn ee bangiyada ka hor taagnaa inay crypto galaan waxay ahayd hubanti la’aanta sharciyada. Laakiin Sanada kii 2024 iyo 2025 ka waxaa la gaaray horumar weyn

• Mareykanka(USA), Xafiiska Xisaabaadka (OCC) ayaa bixiyay hagitaan ogolaanaya in bangiyada qaar ay qabtaan adeegyada crypto oo ay ka mid yihiin ilaalinta stablecoin-yada.
• Midowga Yurub(EU), sharciga MiCA (Markets in Crypto Assets) wuxuu soo saaray nidaam cad oo sharciyeed oo bangiyada u fududeynaya inay ka qayb qaataan.
• Dalal sida Singapore iyo Imaaraadka Carabta ayaa bixiyay laysan cad oo bangiyada u suurtagelinaya inay bixiyaan adeegyada stablecoin ka.

 

Saameynta Caalamiga ah

 

Ka qaybgalka bangiyada yaryar ee suuqyada stablecoin ka wuxuu yeelan karaa saameyn ballaaran

• Kala firdhinta Awoodda Maaliyadeed: Waxaa yaraada awooda ay haystaan shirkadaha waaweyn.
• Xasillooni dheeraad ah: Bangiyada la nidaamiyo waxay keeni karaan kalsooni dheeraad ah.
• Is dhexgal Maaliyadeed: Bangiyada goboleed waxay gaarsiin karaan adeegyada stablecoin ka bulshooyinka aan heli karin adeegyo bangi.

 

Doorka Shirkadaha Teknoolajiyadda Waaweyn iyo Bangiyada Dhexe

 

Isbeddelkan wuxuu dhacay iyadoo isla markaana

• Apple iyo Google ay baarayaan sidii ay stablecoin ugu dhex dari lahaayeen adeegyada lacag bixinta.
• Bangiyada Dhexe (CBDCs) ay tijaabinayaan lacagaha dhijitaalka ah ee dowladuhu maamulaan, kuwaas oo la jaanqaadi kara stablecoin yada gaarka loo leeyahay.

 

Mustaqbal ka 2025 Iyo Wixii Ka Dambeeya

 

Sanad ka 2025 marka la fiiriyo, waxaa muuqda dhowr jihadood

• Iskaashiga ayaa noqon doona furaha: Bangiyada yaryar waxay la midoobi doonaan fintech yada si ay u helaan xirfado farsamo isla markaana sharciyada u ilaaliyaan.
• Fursado xuduudaha ka baxsan: Stablecoin yadu waxay fududeyn karaan lacagaha xawilaadaha caalamiga ah.
• Horumarinta sharciyada: Wadahadalada socda ee ay hogaaminayaan FSB iyo BIS ayaa sii qeexi doona xeerarka stablecoin ka.

 

 

Stablecoin yada oo u furmaya bangiyada yaryar ma aha oo kaliya horumar farsamo ee waa fursad si cadaalad ah loogu qaybsado dhaqaalaha dhijitaalka ah.

Dadka caadiga ah waxay heli doonaan adeegyo badan. Nidaamka dhaqaalaha caalamiga ahna wuxuu noqon karaa mid xoog badan.

Wax kasta oo dhaca hal shay ayaa iska cad kacdoonka stablecoin ka hadda kuma koobna oo keliya shirkadaha crypto ka iyo kuwa Wall Street hadda qof walba ayaa laga furay albaabka.